اعتزال حمو بيكا..يقلب مواقع التواصل الاجتماعي
علي لسان حمو بيكا بسبب اخر لايف قال:
هقفل قنواتي واعتزل المهرجانات بسبب قلة التفاعل في اخر لايف ظهر له.
أعرب مؤدي المهرجانات حمو بيكا، عن استياءه من قلة مشاهدات الأغنية الجديدة التي طرحها مؤخرًا، بعنوان «ضحكتها مزيكا»، بالتعاون مع فيلو ونور التوت.وقال حمو بيكا خلال فيديو بث مباشر عبر صفحته على "فيسبوك": "لما انزل تراك على يوتيوب اللي عندي فيه 5 مليون متابع ويتشاف 11 ألف مرة كده يبقى في مصيبة وقلة أدب يا عم مارك شوف لنا حل.. الصينيين بيجيبوا 35 مليون مشاهدة في يوم عشان بيحبوا بعض، احنا هنا بنبص لرزق الناس.. مش عايزين تسمعوا كفاية إحنا بنسمعه، كده كده بنغني وبنزل أغاني".
وأضاف: "أنا طالع أبلغ مارك رسالة، انتوا كده كده معانا عالعومة، ناجحين انتوا معانا ساقطين انتوا معانا احنا كلنا في مركب واحدة"، وذكر ساخرًا: أنا هقفل كل قنواتي واعتزل المهرجانات".
وتابع: "كلنا هنشحت ونشوف لنا جامع.. وحسن شاكوش فتح كافيه والنهاردة الافتتاح وكلنا رايحين له، وقدورة كمان راح عمل كافيه خلاص الفنانين (جضوا) من الحياة".
وذكر: "أنا تعبان وميت وباخد حقنة بـ45 ألف جنيه، خدوا فلوسي وأدوني صحتي، صحتي كلها راحت بعد عملي في هذه الوظيفة".
من ناحية أخرى، أحيا حمو بيكا خلال الأيام الماضية ثاني حفلاته في موسم الرياض، وقدم لجمهوره مجموعة من أغانيه.
ودخل حمو بيكا على المسرح مع على قدورة الذي شاركه الغناء، وفي البداية تحدث حمو بيكا لجمهوره قائلا: "جاهزين أهل السعودية أنا بحبكم" ليبدأ حفله بأغنية "هلا والله".
وبعدها قدم مجموعة من أغانيه وسط تفاعل كبير من الجمهور الذي رددها معه وتفاعل مع الحضور وبدأ يطلب منهم أن يرددوا الأغاني ويهتفوا معه.
وأطلق «بيكا» حفلة ثانية وحول الأسباب أوضح: «لأول مرة في موسم الرياض، بعد نفاد تذاكر حفلة الغد.. قررت هيئة الترفية عمل حفلة تانية اليوم التالي، 30 نوفمبر، على نفس المسرح، للناس اللي ماعرفتش تحجز لحفلة بكرة.. شكرًا لجمهور المملكة العربية السعودية على كل الحب ده».