الطعمية البيتي في الخلاط
 |
| الطعمية البيتي في الخلاط |
طعميه الخلاط احلى مليون مره من الي في الكبه
عشان الي معندوش كبة😍
نص كيلو فول مدشوش منقوع من بليل
حزمه كسبره ناخد الورق بس
بصلايه خضرا بالعروق بتاعتها
واحده كرات (اختياري)
بصلايه متقطعه مكعبات
خمس فصوص ثوم
كوب ماء
(الطريقة)
نحط كل المقادير دي علي بعضها
نحط كوب الماء في الخلاط وننزل بشويه من الخليط ونضربه هيبقي سايل شويه ونصفيه بمصفي سلك بالتقليب وناخد الميا الي نزلت نحطها في الخلاط تاني لواحتاجت مايه تاني حطي متقلقيش كده كده هنصفيها
وناخد باقي الفول نعمل نفس العمليه تاني
ومبنحطش الملح والتوابل الا ساعه القلي (الملح والكسبره والكمون وسنه بكينج بودر)
وجربي في طعميايه واحده لو لقتيها فكت معاكي هاتي نص رغيف مبلول ومتصفي واضربيه مع العجين
لو انتي مصفياها من الاول كويس مش هتفك معاكي ولا حاجه
وبالهنا والشفا😌