الهريسه الحاره:موسم الفلفل الأحمر وجماله
بما اننا في موسم الفلفل الأحمر وسعره رخيص جدا هنعمل احلى هريسه حاره وممكن نحتفظ بيها من السنه للسنه,يفضّل الكثير من النّاس إضافة المقبلات الحارّة عند تناولهم لأطباقهم المفضّلة، حيث يعمل الفلفل الحارّ على تنشيط الدّورة الدّموية في جسم الإنسان، وعدا عن ذلك يساعد في حرق دهون الجسم.
- المكونات:
كيلو فلفل احمر
ربع كوب خل
ربع كوب عصير ليمون
١٠ فصوص توم
٢ فلفل رومي احمر
٢ معلقه كبيره صلصه
١ معلقه صغيره سكر
معلقه ملح
كوب زيت
- الطريقه:
نغسل الفلفل كويس ونصيبه يتصفي خالص
ونشيل القمع الاخضر الي موجود فيه
هنضرب كل المكونات في الكبه ومعاهم نص كوب الزيت فقط
ماعدا الصلصه والسكر
ونجيب طاسه علي النار ونضع فيها باقي كميه الزيت والصلصه ونقلبها شويه ونضع عليها الخليط بتاعنا وسيبها ع النار حوالي خمس دقايق مع التقليب
وتبرد ونوزعها في بطرمانات نضيفه
- ملحوظه:
الزيت هنا بيكون هو الماده الحافظه للهريسه.