ترخيص السيارات الملاكي

 خطوات ترخيص السيارات الملاكي


اول حاجه الذهاب للمرور التابع ليه حاليا علي حسب بطاقتك الشخصيه
لو سيارتك نفس المرور هقولك الخطوات الي تعملها

  1. الخطوات الاولي الفحص الفني للسياره
فحص وترخيص السيارات الملاكي
1-هتشتري ورق فحص من داخل المرور مش من بره المرور
2-التوجه الي مكان الفحص  وتقف في دورك
3-هتشتري الطفايه والاسعافات والمثلث من داخل مكان الفحص ولا زم تستلم الايصال وتخليه مع ورق الفحص
4-مهندس الفحص الفني هياخد ورقه الفحص هيرفع بصمه الشاسيه والماتور 
5-هتاخد ورقه الفحص تديها للمهندس الي علي المكتب داخل مكان الفحص يمضي عليها
6-هتاخد الوراق الي هي ورق الفحص ايصال الطفايه والمثلث والاسعافات وبطاقتك الشخصيه ورخصه السياره وشهاده مخالفات وتتجه الي الظابط الي في مكان الفحص يختم ويمضي عليه بعد التاكد من صحته
انت كده فحصت سيارتك

     

الخطوه الثانيه لترخيص السياره


1-الاتجاه داخل مبني المور 
2- الذهاب لمكاتب التامين الاجباري وعمل تامين اجباري
3-الاتجاه الي شباك التجديد وتجيب دوسيه تحط فيه كل الاوراق وتخلي معاك دوسيه تكون واخد صوره من كل الورق والبطاقه والرخصه والتامين الاجباري وشهاده المخالفات ادي لموظف الشباك الدوسيه
4-الموظف او الموظفه هتسالك عاوز تجدد سنه ولا 2 ولا  3 يستحسن 3 لعدم الزهاب كل سنه حاول تخليها تجديد مع الفحص كل 3 سنين ويبقي مشوار واحد ولا عطله ولا حاجه 
5- الموظف هيقدرلك المصاريف والضريبه ويديك ورقه تروح الخزنه تتدفع وتجيب الايصال من الخزنه 
6- ترجع للموظف وتديله الايصال وهيقولك انتظر لحد ماتسمع اسمك 
ولما تسمع اسمك بقي ابقي افتكرني
هتستلم الرخصه الجديده 

بس استني ماتمشيش

لازم تتاكد من بيانات الرخصه من رقم شاسيه وماتور ومده الاستفاده بيها
ممكن حظك يبقي وحش ويطلع غلطه في اي بيانات
بس انشاء الله تبقي تمام
تصورها صورتين وتحط الصور احتياطي في المنزل
عشان لو لاقدر الله وضاعت تعرف تطلع بدل فائد

ملحوظه


لو سيارتك مش نفس المرور الي هيختلف اني المهندس هيعملك طلب مطابق بصمه وتمضيها وتختمها من رئيس الوحده وتروح تجيبها من مرور السياره الرخصه القديمه وترجع لمرورك تكمل الاجرائات الي قولتلك عليها
    

اهم حاجه تروح قبل الساعه 9 صباحا 
في وقت الصبح بيبقي لسه الواحد عنده طاقه وعاوز ينجز والموظفين بيبقو رايقين وهتاخد منهم حاجه نضيفه عن تجربه


top-ad

google-playkhamsatmostaqltradent